Barahúnda en concerto o 13 de agosto en Rianxo

Ao abeiro do ciclo Noites de Folc, o grupo Barahúnda achegará un concerto en Rianxo vindeiro venres 13 de agosto. Será ás 22.00 horas no exterior do CEIP Castelao. O aforo será limitado e as reservas cómpre facelas a a través da web municipal.

Barahúnda é unha agrupación do Barbanza integrada por Helena de Alfonso (voz e composicións), Jose Lara Gruñeiro (guitarras e composicións), José Luis do Pico Orjais (multi-instrumentista) e Txema Mawenya (percusión). A banda, activa dende 1998, homenaxea a rica tradición lírica e musical galega nas súas moi variadas manifestacións, alternando composicións propias con letras de poetas actuais ou da tradición galego-portuguesa.