A brass band Brassica Rapa estará este sábado 22 de agosto en Boiro, ofrecendo a cidadáns e visitantes un espectáculo itinerante polo rueiro da vila (a ruada musical para todos os públicos Fanfarria). O itinerario comezará ás 11.00 horas. Non se require inscrición.
A banda, composta integramente por mulleres, ofrecerá un espectáculo moi variado que mesturará música instrumental e vogal coa multipercusión. O seu repertorio vai dende grandes éxitos do pop á música tradicional galega, pasando por temas máis jazz, música actual reivindicativa ou bandas sonoras de películas.
Estas artistas recollen influencias das brass bands neoiorquinas, pero tamén das big bands ou das charangas tradicionais. Incluso as compoñentes veñen de distintos percorridos dentro do mundo da música, e de agrupacións coma Liska, Banda Xangai, Timparrantela ou Biribirlocke.
