Catro das seis integrantes do club Voley Playa Madrid que lograron este 19 de agosto a medalla de bronce no Campionato de España de Clubs veñen de recalar na nosa comarca para tomar un descanso logo da competición e, con tal motivo, acudiron ata Ribeira para coñecer os tesouros medioambientais e patrimoniais do concello.
Elas son a madrileña residente en Toulouse Claudia Santisteban Davila e as francesas Elsa Descamps, Anouk Dupin e Pia Szewczyk. Por certo que tras os devanditos logros, Claudia Santisteban xa anunciou que afrontará en dúas semanas o reto do campionato de España individual que se disputará en Fuengirola (o ano pasado quedou quinta).
O alcalde felicitou ás xogadoras e agradeceu que pensaran nesta comarca para repoñerse tras os días de competición, e recordou que na modalidade do volei en sala, Ribeira é un referente na canteira.
As xogadoras foron obsequiadas co novo merchandising do Camiño de Santiago A Orixe co deseño de Manuel Ayaso e Laguerzza que se acaba de dar a coñecer.
