A USC e o Concello de Lousame achegan media ducia de xornadas formativas de balde para maiores de 50 anos

31 Agosto 2021

O Concello de Lousame e a Universidade de Santiago de Compostela van poñer en marcha unha nova edición do ciclo formativo e divulgativo Camiños de coñecemento e experiencia, proxecto de democratización do coñecemento, un programa gratuíto de formación universitaria dirixida a veciños e veciñas maiores de 50 anos.

Esta iniciativa, froito dun convenio asinado entre ambas institucións, forma parte do Programa Universitario de Maiores e inclúe tres seminarios teóricos, dous obradoiros prácticos e unha saída prevista para a recta final de setembro. A matrícula é de balde e pode formalizarse na Casa da Cultura ou chamando ao 981 82 57 80, en horario de 10:00 a 14:00 horas.

Programa

As actividades xirarán en torno a tres temáticas: o cinema como linguaxe, a documentación como soporte da historia e a simboloxía das cores.

Todas as actividades celebraranse na Casa da Cultura de Lousame, en horario de 16:30 a 18:00 horas.

O primeiro seminario será O cine como linguaxe, impartido o martes 21 de setembro por Álvaro Dosil Rosende, profesor do Programa Universitario de Maiores IV Ciclo da USC e investigador. Como complemento deste curso, o mércores 22 de setembro, impartirá unha sesión práctica sobre a mesma temática.

O segundo seminario, Escribir a nosa historia. Obxectos, soportes e instrumentos de escritura, será impartido o xoves 23 de setembro por Anxo Rodríguez, investigador da Facultade de Xeografía e Historia e profesor do Programa Universitario de Maiores IV Ciclo da USC, que impartirá un obradoiro práctico de análise de materiais arqueolóxicos e documentais o venres 24 de setembro.

Finalmente, o luns 27 de setembro está programado o seminario Simboloxía das cores, impartido por Nerea Varela Castro, colaboradora do Programa Universitario de Maiores IV Ciclo da USC. O martes 28 de setembro rematará o programa cun percorrido a pé polos arredores da Casa da Cultura para analizar o significado das cores.

Camiños de coñecemento e experiencia é un programa organizado pola Vicerreitoría de Titulacións da Universidade de Santiago de Compostela e polo Concello de Lousame, que contan coa colaboración da Consellería de Política Social, a Deputación Provincial da Coruña e o Banco Santander.

Outros artigos

Ribeira homenaxea este martes á actriz Susana Sampedro

Este martes 25 de xuño o Concello, a Corporación e a cidadanía de Ribeira van render homenaxe á actriz local Susana Sampedro (Ribeira, 1978), recentemente distinguida co Premio Mestre Mateo 2024 á mellor actriz de reparto na longametraxe Matria, de Álvaro Gago,...

+

Publicidade

Revista en papel

Opinión

“La Confianza” – José Antonio Constenla

“La Confianza” – José Antonio Constenla

En la actualidad atravesando una crisis de confianza, con mil explicaciones, pero ninguna sencilla ni clara, que dificulta la comprensión del mundo en el que vivimos. Un efecto de estos es que los discursos no sintonizan con la realidad en la que estamos inmersos....