A regata Mar de Finisterre – Trofeo Pitusa Sabín larga amarras esta finde nunha edición histórica

20 Agosto 2021

Texto e imaxes de Juan Caballero

O Real Club Náutico de Portosín xa loce as súas mellores galas ante o inminente bocinazo de saída á XXXIII Regata Már de Finisterre – VII Trofeo Pitusa Sabín. Con máis de 30 unidades confirmadas, as augas da ría de Muros e Noia converteranse, este fin de semana, nun brillante escenario para o espectáculo de barcos e velas que non darán tregua até alcanzar o seu obxectivo, o liderado do Trofeo Presidente Xunta de Galicia que, de momento, está en mans de Diego López, patrón do MIRFAK, da Armada Española, na combinada ORC 0-1, e na de Tom Núñez, armador e patrón do Raygrass III, do Club Carrumeiro, na División ORC 2-3.

A este destacado elenco de barcos hai que sumar a posta en escena de veleiros como o Bon III, de Víctor Carrión, do Club Náutico Punta Lagoa; o Urbapaz, de Fran Edreira, do Club Marítimo La Penela, que vén de gañar o Trofeo Hotel Carlos I Silgar, en Sanxenxo; o Sadamar Alma do Mar, de José Manuel Enríquez, tamén de La Penela; o Mar de Frades, de Jorge Carnero, do Club Náutico San Telmo; o Meltelmi Impresión 3D Atlántico, de Guillermo Blanco, do Real Club Náutico da Coruña; así como os locais do Real de Portosín, Arroutado, de José Manuel Pérez, que desta volta estará capitaneado por Manu Jiménez; o Siradella, de Francisco Gude; o Kanala, de Ignacio Ecenarro; o Entropía, de Jorge Arán; ou o Monte Ulía, de Eduardo Arán, entre moitos outros.

O top do sábado está previsto ás 12 do mediodía, cun trazado costeiro de subida e baixada desde Portosín até o Carrumeiro Chico, na enseada de Fisterra, cunha distancia próxima ás 40 millas náuticas, un 74 km. Os máis pequenos realizarán un percorrido polo interior da ría dunhas 10 millas, un 18 km.

O domingo están previstos dous bastóns ao vento, tipo barlovento-sotavento nas inmediacións do Real Club Náutico Portosín, con saída ás 12 do mediodía e unha distancia media dunhas 8 millas náuticas por bastón, 15 km.

A Regata Mar de Finisterre – Trofeo Pitusa Sabín, conta coa colaboración do Concello de Porto do Son, a Confraría de Pescadores San Andrés de Portosín e Conservas Sotavento.

Outros artigos

A Garda Civil de Noia incauta 1.000 litros de gasóleo bonificado

Garda Civil A Patrulla Fiscal e de Fronteiras (PAFIF) da Garda Civil de Noia incautou 1.000 litros de Gasóleo bonificado no Polígono do Tambre. Os feitos sucederon cando os compoñentes da mencionada Unidade, que se atopaban realizando un servizo na zona, observaron a...

+

Publicidade

Revista en papel

Opinión

“Cariño: un pequeno gran punto negro contaminante”

“Cariño: un pequeno gran punto negro contaminante”

Non se sabe con exactitude o grao de contaminación que pode provocar en Galicia unha empresa que, como Altri (en Palas de Rei, Lugo), vai utilizar o eucalipto como materia prima a partir da que extraer fibras téxtiles; máis é evidente que existe medo ao que a...

“Tiempos verbales”. Alberto Barciela

“Tiempos verbales”. Alberto Barciela

No sé en que justo momento, si es que lo hubo alguna vez, perdimos el rumbo político y el social. No identifico en qué instante se distrajeron las referencias de los valores esenciales para la convivencia, para el entendimiento, para la discusión constructiva y la...