A nova edición do programa de dinamización O galego campa! foi presentada en Boiro

11 Agosto 2021

A Secretaría Xeral de Política Lingüística puxo na Rede, no Portal da Lingua, todo o relativo ás actividades, aos obxectivos e ás datas da iniciativa O galego campa!, o programa para incentivar o uso do galego nos campamentos estivais que este ano inclúe novas propostas que enriquecen o catálogo dixital de actividades de tempo libre na nosa lingua.

A nova edición do programa (que o ano pasado cancelouse por mor da gravidade da COVID-19) foi presentada os días pasados polo secretario xeral Valentín García e máis a directora xeral de Xuventude, Cristina Pichel. Fixérono no Campamento de Espiñeira, no concello de Boiro. Alí deron a coñecer que durante este mes, as actividades de O galego campa! chegarán a preto de 1.000 mozos e mozas de estadía en 13 instalacións xuvenís dependentes de Política Social

“Presentamos a novena edición do programa, que este ano é sensíbel á complicada situación emocional que as restricións á mobilidade, á relación e á proximidade social derivadas da actual situación sanitaria xeraron entre a mocidade”, explicou Valentín García, quen recordou que “un dos compromisos da Xunta de Galicia é o de dinamizar o uso do galego na mocidade e ofrecer espazos e ámbitos de uso de interese para a xente nova, obxectivos para os que aproveitamos todas as oportunidades que nos ofrecen estas estadías estivais”.

Pola súa banda, Cristina Pichel reivindicou a importancia que teñen este tipo de actividades, coas que se busca fomentar o ocio e seguro da mocidade durante a temporada estival, así como favorecer o uso do galego no ámbito do lecer.

Actividades e novas propostas no Repositorio dixital de tempo libre

Tras o verán de 2020, volve O galego campa!, o programa autonómico destinado a favorecer o uso do galego nos campamentos de verán do Goberno galego e mais a facilitar ao monitorado formación e recursos para o desenvolvemento de dinámicas que animen os rapaces e rapazas a se expresar nesta lingua, de acordo coas liñas de traballo que se establecen no Plan de Dinamización da Lingua Galega na Mocidade 2019-2022.

As actividades, que incluirán a dinámica Canto te quero: conversas en grupo para falar de amor, chegarán ata o 14 de agosto aos campamentos Xuvenil Virxe de Loreto (Porto do Son, A Coruña), Espiñeira (Boiro, A Coruña), Furelos (Melide, A Coruña), Illa de Ons (Bueu, Pontevedra), Area (Viveiro, Lugo), A Devesa (Ribadeo, Lugo), Benigno Quiroga (Portomarín, Lugo), As Sinas (Vilanova de Arousa, Pontevedra), Os Chacotes (Palas de Rei, Lugo), Mariña Española (Sada, A Coruña), Gandarío (Bergondo, A Coruña), Pontemaril (Forcarei, Pontevedra) e Penedos de Xacinto (Entrimo, Ourense).

Como de costume, O galego campa! inclúe novos materiais para o Repositorio dixital de tempo libre en galego, de libre acceso para educadores/as e para calquera outra persoa interesada. Serán propostas encamiñadas a fomentar o diálogo na nosa lingua arredor da igualdade entre mulleres e homes, a educación para a paz e a prevención da violencia de xénero.

Outros artigos

Convocados os “Premios da Cultura Galega 2024”

A Xunta de Galicia convoca os Premios da Cultura Galega 2024, certame que recoñece o labor creativo e a súa expansión nos novos espazos actuais desde a súa primeira edición, en setembro de 2010. As oito modalidades convocadas son as de Letras, Artes Visuais, Artes...

+

Publicidade

Revista en papel

Opinión

“Cariño: un pequeno gran punto negro contaminante”

“Cariño: un pequeno gran punto negro contaminante”

Non se sabe con exactitude o grao de contaminación que pode provocar en Galicia unha empresa que, como Altri (en Palas de Rei, Lugo), vai utilizar o eucalipto como materia prima a partir da que extraer fibras téxtiles; máis é evidente que existe medo ao que a...

“Tiempos verbales”. Alberto Barciela

“Tiempos verbales”. Alberto Barciela

No sé en que justo momento, si es que lo hubo alguna vez, perdimos el rumbo político y el social. No identifico en qué instante se distrajeron las referencias de los valores esenciales para la convivencia, para el entendimiento, para la discusión constructiva y la...