Galicia suma xa 2.568 falecidos con covid despois do falecemento doutros dous homes, de 89 e 92 anos, respectivamente; na xornada do domingo 29 de agosto.
Os últimos decesos pola pandemia foron comunicados polas autoridades sanitarias galegas na tarde deste luns.
Trátase de dous homes de 89 e 92 anos que se atopaban hospitalizados no CHUO e no HULA e que foran diagnosticados con covid.
Ambos tiñan patoloxías previas, segundo a Consellería de Sanidade.
Pola súa banda a Dirección Xeral de Saúde Pública da Consellería de Sanidade informa que, na última actualización, o número de casos activos de coronavirus en Galicia é de 8.022 deles 2.083 son da área da Coruña, 1.437 da de Lugo, 672 da de Ourense, 557 da de Pontevedra, 1.391 da área de Vigo, 1.317 da de Santiago e 565 da de Ferrol.
Do total de pacientes positivos, 55 están en UCI, 169 en unidades de hospitalización e 7.798 no domicilio. Polo de agora, en Galicia hai un total de 167.938 persoas curadas, rexistrándose 2.566 falecementos. O número de PCR realizadas é de 2.741.333. O número de doses de vacina contra a covid-19 administradas é de 4.059.650.
