O Concello de Outes, a través da Axencia de Desenvolvemento Local, organiza este mes de agosto unha actividade directamente encamiñada a promover o comercio local e dinamizar o sector nestes tempos de progresiva (aínda que accidentada) desescalada. Trátase da segunda edición da Feiriña, prevista para o vindeiro 21 de agosto.
Segundo informa o Concello, o evento está aberto á participación de todos os negocios locais, que poderán habilitar o seu posto ao abeiro da actividade. Para implicarse na Feiriña e mostrar os seus produtos e servizos dun xeito directo ante residentes e visitantes, poden solicitar información ao teléfono 981 850 003 ou enviando un correo a carlos.rodriguez@outes.gal. O prazo remata o 13 de agosto.
