Xogos de auga e obradoiros de repostería e psicomotricidade centran os primeiros días de xullo no Lousame Concilia

12 Xullo 2021

O Concello de Lousame vén de iniciar as actividades do seu programa de verán para a conciliación da vida familiar e laboral, integrado no programa Lousame Concilia. Nestas primeiras xornadas de xuño, nas que foron visitados pola concelleira de Ensino e Cultura, Silvia Agrafojo, as actividades centráronse en xogos de auga e na celebración de diversos obradoiros.
Os quince nenos e nenas, de entre 3 e 12 anos de idade, que participan no Lousame Concilia Verán están divididos en dous grupos de idade, para así garantir un maior control dos grupos e facilitar a aplicación dos protocolos anti-covid, tal e como se aplicaron con éxito durante a pasada temporada. Iso non impide a celebración de distintas actividades, tanto físicas como de salón.
Dentro das actividades físicas sitúanse os xogos de auga cos que loitaron contra a calor dos últimos días, que se uniron aos obradoiros de psicomotricidade celebrados a finais da semana pasada. Así mesmo, durante a mañá tamén poñen en forma as súas mentes con obradoiros de manualidades e mesmo talleres de repostería, onde elaboraron cadanseu croissant.
O Lousame Concilia Verán desenvólvese de luns a venres nas instalacións do CPI Cernadas de Castro, entre as 09.30 e as 14.30 horas. Este servicio está organizado pola Concellería de Igualdade do Concello de Lousame e conta coa colaboración da Secretaría Xeral de Igualdade da Xunta de Galicia e do Fondo Social Europeo.

Outros artigos

A Garda Civil de Noia incauta 1.000 litros de gasóleo bonificado

Garda Civil A Patrulla Fiscal e de Fronteiras (PAFIF) da Garda Civil de Noia incautou 1.000 litros de Gasóleo bonificado no Polígono do Tambre. Os feitos sucederon cando os compoñentes da mencionada Unidade, que se atopaban realizando un servizo na zona, observaron a...

+

Publicidade

Revista en papel

Opinión

“Cariño: un pequeno gran punto negro contaminante”

“Cariño: un pequeno gran punto negro contaminante”

Non se sabe con exactitude o grao de contaminación que pode provocar en Galicia unha empresa que, como Altri (en Palas de Rei, Lugo), vai utilizar o eucalipto como materia prima a partir da que extraer fibras téxtiles; máis é evidente que existe medo ao que a...

“Tiempos verbales”. Alberto Barciela

“Tiempos verbales”. Alberto Barciela

No sé en que justo momento, si es que lo hubo alguna vez, perdimos el rumbo político y el social. No identifico en qué instante se distrajeron las referencias de los valores esenciales para la convivencia, para el entendimiento, para la discusión constructiva y la...