Volve a Ribeira o campamento de verán Soño Olímpico

27 Xullo 2021

O campamento de verán de taekwondo Soño Olímpico regresa ao municipio de Ribeira nunha edición —a duodécima— que está marcada pola situación sanitaria. Polo tanto e tendo en conta a necesidade de garantir a seguridade das e dos participantes, as 200 prazas habituais redúcense á metade, repartidas en dúas datas: 50 participarán do 17 ao 21 de agosto (nados entre 2012 e 2007: categorías precadete e cadete) e outro tanto do 24 ao 28 de agosto (nados do 2008 a 2001: júnior, sénior e sub 21).

Xunto ao alcalde Manuel Ruiz tomaron parte na presentación o presidente do club Natural Sport, José Francisco Agrelo; o paralímpico Álex Vidal, que partirá a semana que vén cara Toquio; e dúas madriñas e un padriño do campamento: Tania Castiñeira (campioa de España absoluta), Sara Cortegoso (subcampioa de España absoluta) e Manu Parada (bronce no campionato de España absoluto).

José Francisco Agrelo salientou que todos os asistentes deberán acudir cunha proba PCR negativa de non máis aló de 72 horas e dentro do campamento operarase con grupos burbulla. Así mesmo, un sanitario realizará test aleatorios.

As prazas están practicamente cubertas, procedendo integramente de España e Portugal. A cita será como sempre nas instalacións do Camping Ría de Arosa 2, na parroquia de Oleiros.

Participantes en Toquio 2020
Manuel Ruiz eloxiou a iniciativa de Soño Olímpico para “favorecer o intercambio de coñecementos no ámbito do taekwondo” e manifestou a súa seguridade de que “pese a COVID esta edición estará á altura das anteriores”. Lembrou ademais que polo campamento “xa teñen pasado unha vintena de deportistas e adestradores participantes en Toquio 2020, incluíndo a española Adriana Cerezo que se acaba de proclamar subcampioa olímpica, así como o seu adestrador Jesús Ramal, a rival daquela Tijana Bogdanovic ou o adestrador Dragan Jovic”.

O alcalde tamén tivo palabras para Álex Vidal: “Esperamos que a competición sexa xusta con el e poida traer unha medalla, aínda que o que leva feito garante o orgullo de todo o pobo e o que el mesmo debe sentir”, dixo.

Por último informou de que en breve a Xunta licitará módulo cuberto da Fieiteira que entre outras actuacións inclúe catro tatamis.

Outros artigos

Morre José María Caneda, histórico presidente do Compostela

Pesar no mundo do fútbol galego que lle di adeus ao histórico presidente da Sociedade Deportiva Compostela José María Caneda. Faleceu neste luns 24 de xuño, despois de loitar contra unha grave enfermidade os últimos anos da súa vida.  Caneda será lembrado polo éxito...

+

O Concello de Ribeira xa dispón do seu propio bastón

Entrega do bastón de mando (imaxes de José Manuel Martínez, Concello de Ribeira) Na maña do pasado 14 de xuño celebrouse a xunta de coordinación ordinaria no Concello de Ribeira, unha xuntanza que rematou dun xeito que tivo pouco de ordinario: coa estrea oficial, no...

+

Publicidade

Revista en papel

Opinión

“La ausencia de los eméritos”. José Castro López

“La ausencia de los eméritos”. José Castro López

Se cumplieron diez años de la coronación de Felipe VI y el aniversario se conmemorócon un acto sencillo, alejado de la grandiosidad que suele dominar la esfera pública.Al Rey le tocó reinar en el peor momento para la institución monárquica por problemasheredados de su...