O Festival de Jazz de Rianxo celebrarase do 4 ao 7 de agosto, aínda que haberá unha exposición de Henri Matisse aberta dende o 2 de agosto ata o 22 do mesmo mes (Fondos da Fundación Museo de Artes do Gravado á Estampa Dixital). Con todo, a programación será a seguinte:
- Mércores 4 de agosto: Tocará Miro Lamas Quartet.
- Xoves 5 de agosto: Concerto a cargo de Valentín Caamaño Quartet.
- Venres 6 de agosto: Será a hora do grupo Volando Libre.
- Sábado 7 de agosto: Actuación de Habana Soul.
Todos os concertos realizaranse no exterior do CEIP Castelao, ás 22:00 horas. As entradas serán de balde, pero é obrigatorio reservalas de maneira anticipada na páxina web do Concello, na sección de reservas.
Ademais das actuacións propiamente ditas, o programa do festival vén cunha ampla vertente formativa. Están previstos os seguintes obradoiros:
* Clase mestra: Arranxos II para música moderna e Jazz – a cargo de Alfredo Susavila – Mércores día 4, de 10 a 14 horas.
* Curso de Produción Musical a cargo de Alfredo Susavila – Venres 6, de 10 a 14 horas.
* Obradoiro de Multivocalismo a cargo de Narci Rodríguez – Luns día 2 e martes 3, de 10 a 14 horas.
Información e inscricións nas accións formativas en: escolademusicaderianxo@gmail.com ou no tfno.: 671 058 555
