O Concello da Pobra informou do remate das obras iniciais (primeira fase) para a mellora do acceso na contorna do CEP Salustiano Rey Eiras, a cal consistiu nunha reposición do firme e beirarrúas en varios tramos desas inmediacións.
A concelleira dos Servizos Municipais, Estefanía Ramos (Nós Pobra), explicou que esta actuación enmárcase no Plan de Acción Social 2015 (PAS) da Deputación da Coruña, cun custe do proxecto que ascendía a 54.707’88 euros e que, tras o procedemento de licitación, foi adxudicada á empresa Nemesio Ordóñez S.A. por un importe total de 36.506’57 euros.
Tamén indicou que para a execución desta actuación foron necesarios varios permisos, entre eles, do Servizo de Urbanismo e de Augas de Galicia.
Doutra banda, o alcalde, Xosé Lois Piñeiro (Nós Pobra), manifestou que a demora produciuse debido “á necesidade de facer dúas modificacións no proxecto inicial, o cal se traduciu en volver pedir os correspondentes permisos”.
Así mesmo, o rexedor anunciou que esta intervención verase completada cunha segunda fase, neste caso adscrita ao POS 2015 que inclúe a rúa Antón Paz Míguez e unha zona de San Lázaro. Unha vez executada, “permitirá que a entrada e saída ao colexio Salustiano Rey Eiras quede perfectamente acondicionado”, segundo apuntou o rexedor.
