A Asociación de Empresarios de Ribeira mostra a súa preocupación ante a crecente incidencia da COVID en Ribeira, concretamente en determinadas franxas de idade. Por iso, dende o Concello notificóuselle á entidade presidida por Francisco Martínez Gude que nos próximos 15 días non se concederán autorizacións para a celebración de concertos privados, dentro ou fóra dos locais.
Ambas partes coincidiron en que n”on se pode criminalizar á hostalería pola presente situación”, e que “son as festas privadas e os botellóns ilegais os principais focos de contaxio”. Ademais, insistiron en que as autoridades sanitarias teñan en conta á hora de calcular determinados ratios, o feito de que actualmente a poboación de Ribeira se vise incrementada entre un 25 e un 30% pola afluencia turística.
