A Xunta vén de anunciar a resolución da segunda convocatoria das axudas para a redacción de Plans de acción para o clima e a enerxía sustentables (Paces) que dotarán aos concellos de 70 subvencións por un importe global de 337.00 euros.
A noticia foi presentada hoxe nun acto na Cidade da Cultura, que acolleu a representantes municipais e á conselleira de Medio Ambiente, Ángeles Vázquez, así como a directora xeral da Calidade Ambiental, Sagrario Pérez e o delegado territorial, Gonzalo Trenor. Durante o acto comunicouse a listaxe de concellos beneficiarios no Diario Oficial de Galicia.
O Plan de acción consiste na elaboración dun inventario de referencia de emisións de gases de efecto invernadoiro e na avaliación de riscos e vulnerabilidades ante o cambio climático; polo que a axuda da Xunta, os municipios poden sufragar os traballos de asistencia técnica para a elaboración dos mesmos. “Este pacto integra unha loita fronte ao cambio climático como unha das variables que deben ter presente na definición das súas políticas, tanto para reducir emisión e mellorar a eficiencia enerxética, como para adaptarse ás consecuencias derivadas do quecemento global”.
Explicou Ángeles Vázquez.
