A organización humanitaria Humana Spain achegou un balance da actividade solidaria desenvolvida no que vai de ano en Porto do Son a través da implicación veciñal. Segundo fixo saber, foi quen de recuperar máis de 9 toneladas de téxtil usado en Porto do Son no primeiro semestre do 2021 para dar unha segunda vida ao material colleitado. 🤩
É un aumento do 27% respecto ao mesmo período do ano pasado. Amais, a recollida selectiva de xaneiro a xuño equivale a 41.000 pezas de roupa que serán reutilizadas ou recicladas cun fin social e ambiental. En termos de sustentabilidade enerxética, a recuperación do residuo téxtil no que levamos de ano evitou a emisión de 29 toneladas de CO2, informou o Concello de Porto do Son dende o seu Facebook.
