O Liceo Marítimo de Bouzas acolle a VII Proba do Campionato Galego Inclusivo Fibralar de Motonáutica

O Liceo Marítimo de Bouzas (Vigo) acolle este sábado 24 de xullo a sétima proba do Campionato Galego Inclusivo de Motonáutica, unha gran cita deportiva na que os vigueses José Luís Álvarez e Oswaldo Davila parten como favoritos tras gañar, de maneira consecutiva, as dúas últimas citas do autonómico, as disputadas en Cabo de Cruz (Boiro) e Castrelo de Miño (Ourense).

Os noieses Joaquín Barrio Guldrís e Joaquín Barrio Bouzas

Tralos devanditos pilotos sitúanse, seguíndoos moi de preto, os noieses Pepe Barrio e Pilar Sarmiento, que chegan á cidade olívica con ganas de recuperar o lugar máis alto do caixón nas probas individuais, cetro que non posúen desde a primeira á cuarta probas que se celebraron en Portosín, Outes, Ares e Goián.

Na terceira posición da táboa do cómputo do seis xornadas xa validadas, atópanse os tamén noieses Joaquín Barrio Guldrís e Joaquín Barrio Bouzas, seguidos moi de preto polos sadenses Óscar Barros e Amaya López, que foron bronce no encoro de Castrelo.

A xornada constará de dúas mangas por equipo, que se disputarán na lámina das augas de Bouzas, protexidas pola entrada ao porto deportivo do Liceo Marítimo, con boias fondeadas para trazar un slálom e as sempre complicadas probas de habilidade como o fondeo, rescate, pelota-cesta e amarre.

A cita dará comezo ás 10.30 da mañá e a entrega está prevista ás 13.30 horas, coa asistencia confirmada do xefe do Servizo Provincial de Deportes da Xunta de Galicia, Daniel Benavides.