O DOG publica a orde que regula as medidas de prevención pola COVID e o Protocolo para a reactivación do lecer nocturno. Entrarán efecto ás 0 horas do sábado

Pasadas as 21 horas o Diario Oficial de Galicia publicou unha edición especial na que se regulan as normas que entrarán en vigor ás cero horas do sábado. Trátase da ORDE do 22 de xullo de 2021 pola que se prorroga e se modifica a Orde do 25 de xuño de 2021, pola que se establecen medidas de prevención específicas como consecuencia da evolución da situación epidemiolóxica derivada da COVID-19 na Comunidade Autónoma de Galicia, e se modifica a Orde do 1 de xullo de 2021 pola que se aproba o Protocolo para a reactivación do lecer nocturno no marco da crise sanitaria ocasionada pola COVID-19.

As medidas previstas nesta orde terán efectos desde as 00.00 horas do día 24 de xullo.