O Concello de Noia pon en marcha diversas actividades guiadas e rutas de sendeirismo para este verán, co fin de potenciar o patrimonio natural e cultural da localidade.
Dunha banda, poderanse realizar visitas guiadas ao casco histórico todos os xoves, venres e sábados de xullo e agosto, ás 12:00 horas. Tamén levarase a cabo unha visita teatralizada con Serafín Marcos o 5 de agosto, ás 20:00 horas. Doutra banda, poderase facer unha ruta á Fervenza o 11 de xullo e o 22 de agosto, así como a ruta do río Traba e rego Pesqueiras o 25 de xullo e o 8 de agosto. A maiores, levarase a cabo unha visita musicalizada ao centro da cidade da man de Esperanza Mara.
Os interesados xa poden reservar praza, ben fisicamente na oficina ou a través do teléfono 981821598.