Rematada a primeira semana do Campamento de Verán de Rianxo, principalmente centrada en implicar á rapazada en xogos tradicionais, traballos manuais e obradoiros de igualdade de xénero, entre outras actividades participativas, comezou a segunda semana cunha vertente máis científica e divulgadora.
En concreto, as rapazas e rapaces tiveron a oportunidade de afondar nas actividades do Circo da Ciencia, entre as que se incluíu un experimento colectivo e participativo cunha lámpada de lava e cun volcán, entre ouros moitos xogos cooperativos.
O Campamento de Verán Rianxo 2021 conta con 140 participantes e inclúe catro sedes principais: o Pazo de Rianxiño, o CEP Brea Segade de Taragoña e CEIP Ana Mª Diéguez de Asados. O programa comezou o 5 de xullo e prolongarase até o 27 de agosto, en horario de 10.30 a 13.30 h. Conta ademais cun servizo de Plan Madruga para fomentar a conciliación de familias traballadoras dende as 08.00 h, que conta con 30 usuarios (unha cifra inicial que se tivo que aumentar para dar cabida ás solicitudes presentadas).
Programa e temáticas
As actividades que se van a desenvolver xirar tematicamente arredor da igualdade e o coidado e respecto do medio. Realizaranse as actividades propias campamentais, como xogos, manualidades, deportes, xincanas, máis tamén haberá saídas a lugares de interese e a participación en actividades socioculturais, mais sempre respectando as medidas de prevención da COVID-19.
Na programación do campamento contarase tamén coa colaboración de outras entidades como a Escola de Música de Rianxo, Fousas ao monte, Festival Titiriberia, que participaran con distintos obradoiros, visitas, actuacións… que complementarán estes dous meses de actividade.
