O músico e profesor Óscar Ibáñez, nado en Pontevedra no 1976, é a día de hoxe un referente da gaita galega e, tamén, da investigación e posta en valor da nosa tradición musical.
Na actualidade está a presentar a súa nova proposta musical Oscar Ibáñez & Tribo, formada por músicos galegos de recoñecida traxectoria como Fernando Fraga, Harry Price, Carlos Calviño, Paco Dicenta ou Andrés Vilán, coa que actuou en Galicia, Cantabria, Cataluña, Madrid, Canarias e Bretaña.
Amais, está a presentar o espectáculo Alén do Mar, no que, ademais da participación dos instrumentistas da súa banda Oscar Ibáñez & Tribo, contou coa colaboración de músicos galegos, navarros, vascos, andaluces, irlandeses, cubanos, arxentinos, venezolanos e brasileiros.
Volvendo ao concerto de Rianxo, trátase dunha actividade enmarcada no programa Noites Folc do Verán Cultural 2021 e abeirada á Rede Cultural 2021. As persoas interesadas en acudir deberán reservar a localidade na web do Concello de Rianxo, ata o xoves 22 de xullo ás 12:00 h.
