Volven a Noia as Tardes do Verán, programa de actividades para achegar alternativas de lecer, diversión e formación durante a tempada estival. A nova edición foi presentada nos seus detalles este 29 de xuño por Socorro Creo, representante da empresa Axóuxere Deporte e Animación, e a concelleira de Deportes Laura Salgado.
Segundo fixeron saber, as actividades están destinadas a nenos e nenas de entre 4 e 12 anos.
Todas as tardes de luns a venres, en horario de 19:00 a 21:00, os cativos poderán participar en obradoiros e actividades diversas. Os luns e os mércores Tardes de Verán levarase a cabo no local social da Barquiña, o resto dos días no claustro do Consistorio. Non é necesaria inscrición previa.
