Esta noite, o 112 Galicia tamén tivo constancia dun lume nun restaurante situado na Praza do Curro, en Portosín.
Un particular comunicaba, preto das tres e media da madrugada, que vía saír fume dun local, nesta dirección, e de que visualizaba moito fumareda tamén no seu interior.
De inmediato, os xestores do 112 Galicia informaron aos Bombeiros de Ribeira, ao GES de Noia, á Garda Civil e a Protección Civil de Porto do Son.
Pouco despois, co lume xa controlado, os equipos de emerxencia desprazados ata o punto, confirmaron que o lume fora provocado por unhas brasas que quedaron acesas nun forno e que, finalmente, arderan dúas potas. Afortunadamente, non houbo que lamentar danos persoais.
