O Equipo de Estafas Telemáticas da Garda Civil de Noia investigou a un home veciño de Murcia como presunto autor dun delito de estafa duns 2.500 euros a unha persoa en Boiro na venda a través de Internet dun vehículo.
O Instituto Armado abriu unha investigación por mor da denuncia interposta polo prexudicado nas dependencias da Garda Civil en Boiro. Na mesma comunicou localizar o anuncio da venda dun automóbil nunha coñecida páxina da internet, tras o cal púxose en contacto co anunciante. Unha vez acordado o importe da venda en 2.500 euros, o prexudicado realizou unha transferencia ao suposto vendedor. “Despois de pasar un período prudencial sen recibir o vehículo comprado trato de poñerse en contacto co vendedor, comprobou que este cortara todo canle de comunicación con el”, destacan as mesmas fontes.
A Garda Civil investigou os feitos co fin de constatar a veracidade dos mesmos e identificar o autor ou autores no seu caso. Así, no transcurso da investigación os efectivos corroboraron a existencia do ilícito, así como o modus operandi, o cal “consistía en publicar anuncios de venda de vehículos engadindo fotografías nas que se vían as placas de matrícula, as cales correspondían a vehículos coa documentación en regra, por se algún dos posibles compradores realizaba consultas sobre o mesmo”.
Como froito da investigación a Garda Civil logrou a identificación do presunto autor da estafa, coñecido das forzas de seguridade por delitos da mesma índole. A benemérita continúa coa investigación aberta para a localización desta persoa ao atopase en paradoiro descoñecido.
