400 contaxios menos que o venres pasado e a incidencia a 14 días baixa por primeira vez. Os hospitalizados seguen aumentando e superan os 300.
Os contaxios de coronavirus en Galicia soben respecto a onte, foron 1.077, pero mantéñense por segundo día consecutivo por baixo do mesmo día da semana anterior, e os 1.193 de hoxe son 400 menos que os 1.593 do venres pasado. Os casos activos hoxe só aumentan en 109 persoas ata os 18.885, grazas a que as altas son cada vez máis numerosas e hoxe por primeira vez nesta quinta onda superan o milleiro.
Por áreas sanitarias Santiago resta casos activos por primeira vez nesta quinta onda, Ourense continúa mellorando e resta máis de 100 casos activos, mentres que Pontevedra volve empeorar debido a un alto número de contagios (203). Seis das sete as áreas sanitarias galegas rexistran menos contaxios hoxe que o venres pasado, mentres que Ferrol suma xusto os mesmos (78).
A situación hospitalaria empeora respecto a onte, con 25 pacientes máis, 1 máis en UCI e 24 máis en planta. O total de pacientes é superior en 90 persoas a fai sete días. Hai unha semana había 212 hospitalizados en Galicia divididos en 189 pacientes de planta e 23 de UCI, e hoxe son 302 en total, con 266 planta e os outros 36 na unidade de críticos (1 máis que onte).
Vigo, Pontevedra e A Coruña son as áreas máis afectadas. A área herculina sobe a 3.763 casos activos, con 120 contagios. Vigo rexistra 281 contagios e soben a 4.475 os casos activos, a maior cifra de toda a pandemia. Pontevedra suma 203 contagios e sobe a 3.031 casos activos.
O Sergas di que nas últimas 24 horas confirmáronse 1.223 casos de COVID-19 por PCR, pero a diferenza entre o total de infectados desde o inicio da pandemia de hoxe (155.760) e o de onte (154.567) é de 1.193 persoas.
Nas últimas 24 horas rexistráronse en Galicia 1.193 novos casos de SARS- CoV-2, 2 falecementos e 1.082 altas, o que fai que aumenten en 109 persoas os casos de coronavirus, pasando dos 18.776 de onte aos 18.885 de hoxe.
O total de hospitalizados sobe de 277 a 302 pacientes, 1 máis en UCI e 24 máis en planta. O pasado venres eran 212 hospitalizados, 90 menos que hoxe. O total de casos de coronavirus contabilizados polo Sergas desde o inicio da pandemia é de 155.760.
