Costas e Concello traballan para o inicio das obras que prolonguen o paseo marítimo de Noia

Esta semana o alcalde de Noia, Santiago Freire, reuniuse cos técnicos de Costas e co topógrafo para iniciar a materialización definitiva das obras que darán continuidade ao paseo marítimo local dende Abruñeiras ata o Talleraco e Río do Porto.

Trátase dun proxecto que vén cun investimento de máis de 60.000€, que se iniciará proximamente e que permitirá a creación dunha senda peonil de 2,5 metros de ancho e unha área de lecer. Como dixemos, a idea é prolongar o paseo marítimo de Noia, que se interrompe na zona Abruñeiras, e darlle continuidade até as proximidades da ponte da variante sobre a ría.