O Concello de Noia compartiu máis detalles sobre a evolución do proxecto do paseo Portas do Mar, que supón o empedrado do acceso á rúa do Forno e que, segundo sinalou o alcalde Santiago Freire, está a avanzar a bo ritmo e atópase xa na súa última fase.
Esta actuación supón un importe aproximado de 60.000 euros. Estes traballos, unidos ás reformas previas da contorna, van dirixidos a impulsar e mellorar a conexión do rueiro do centro histórico coa ría.
Amais, no Malecón de Gasset estase traballando nos últimos retoques para finalizar a fachada marítima, que nos vindeiros días quedará rematada para poder transitar.