Coa chegada de xullo, a bandeira azul concedida ao municipio de Ribeira xa loce no areal de Coroso.
O concelleiro de Turismo, Ramón Doval, acompañado da primeira tenente de alcalde, María Sampedro, encargáronse do izado desta ensina, que acredita o cumprimento da normativa da Fundación Europea de Educación Ambiental en materia de calidade da auga, servizos, ordenación do medio ambiente ou seguridade.
Ademais, no día de hoxe comezou a labor dos socorristas, que este ano suman un total de 21, dos cales 14 son socorristas acuáticos e 7 socorristas terrestres. As praias de servizo son Coroso, A Ladeira e o Vilar.
