Un operativo da Garda Civil sorprendía á primeira hora da mañá aos veciños do barrio ribeirense de Abesadas. Unha unidade especial deste corpo, que se desprazou á cidade desde fóra de Galicia, despregábase pola avenida da Constitución e entraba nun edificio, o número 7, para realizar un minucioso rexistro. Os axentes accederon ao interior dun piso da primeira planta rompendo a porta.
A operación arrincou a primeira hora da mañá momento no que varios vehículos, algúns deles camuflados, apostáronse nas proximidades do edificio en cuestión. Do seu interior saíron axentes da benemérita, boa parte deles pertencentes ás Usecic, unidades de seguridade cidadá da Garda Civil.
A detención practicada en Abesadas mesmo podería estar relacionada cunha investigación a gran escala, con ramificacións noutros puntos da comunidade galega. O arrestado é un pequeno empresario de Ribeira, con negocios no sector da hostalería.
De momento o caso está baixo secredo de sumario polo que non se informou aínda da causa ainda que todo apunta a que ten relación co tráfico de estupefacientes.
