A Asociación Boirense de Empresarios (ABE) entregou os premios da súa primeira Quincena Fantástica, unha campaña que bateu récords na asociación e marco un fito histórico na súa andaina, ao ser a primeira vez, nos seus 33 anos de actividade, que se puxo en marcha unha campaña na que participaron os máis de 200 socios da patronal.
Este 23 de xullo, na sede da entidade, entregáronse os premios correspondentes á primeira quincena que en total suman 530€ en vales de compra e que foron os seguintes:
-Premio de 250 € – Nuria Costas – Compra realizada en Xoguetería Tatino.
-Premio de 150 € -Carmen Yolanda Estalote – Compra realizada en A Tenda de Pepa (Claudio Cabo da Cruz).
-Premio de 100€ -Lidia Calo – Compra realizada en Tiendas Pillados.
-Premio de 30 € -Andrea Romero- Concurso realizado en RRSS.
As gañadoras recibiron o premio de mans do presidente da ABE e poderán utilizalo nos mais de 200 socias e socios da entidade empresarial.
Destacar que neste primeiro cuarto da campaña rexistráronse 521 tíckets corresponden a 47 negocios diferentes.
A campaña denominada Quincenas Fantásticas segue en marcha ata o 31 de agosto e aínda se van sortear 500 € ao remate de cada unha das 5 quincenas. (1 premio de 250, 1 premio de 150 e 1 premio de 100 euros)
Para participar os clientes deben realizar unha compra en calquera dos establecementos socios da ABE, facer unha foto do tícket ou factura e rexistrala en www.abe.gal. En palabras da asociación, “trátase dunha campaña sen precedentes xa que son válidos os tíckets de comercios, bares, restaurantes, ocio nocturno pero tamén os tíckets ou facturas de calquera outra empresa asociada, por exemplo, salóns de peiteado, dentistas, fisios, seguros, pintores, reparacións … en definitiva calquera gasto realizado nunha das empresas socias da ABE”.
