A subdelegada do Goberno na Coruña, María Rivas; deu a benvida este 21 de xullo aos 21 gardas civís que desde esta semana desenvolverán as súas prácticas formativas na provincia coruñesa. No acto, animou ás e aos axentes a aproveitar este período para “adaptarse e prepararse para os grandes retos que terán que afrontar durante o seu futuro profesional”.
Nun acto celebrado na comandancia da Coruña, xunto ao coronel Francisco Javier Jambrina, a subdelegada do Goberno trasladou aos futuros gardas civís a responsabilidade de traballar para “que A Coruña sexa aínda máis segura”.
As e os 21 gardas civís realizarás as súas prácticas en trece cuarteis da provincia, nas localidades de Fene, Melide, Noia, Ordes, Ortigueira, Outes, Sada, Arteixo, Boiro, Cambre, Culleredo, Carballo e Oleiros. Dos 21 axentes, catro son mulleres.
