Volve con 17 postos a feira Eco-lóxica de Boiro

03 Xuño 2021

O Concello de Boiro informou hoxe un regreso agardado: a volta do mercado de produtos locais e de proximidade que se viña celebrando de xeito puntual no municipio. Segundo confirmou o Goberno local, a feira Eco-lóxica de Saberes e Sabores vaise levar a cabo os segundos e cuartos sábados do mes, iniciando o vindeiro día 12 de xuño, na praza da Terceira Idade. Na presentación estiveron o alcalde, José Ramón Romero, o concelleiro de Comercio e Industria, Marcos Fajardo, e Patricia Giao, do departamento de cultura e xuventude.

O obxectivo do Concello de Boiro é “potenciar o mercado de produtos de proximidade, dando continuidade a unha feira que se viña realizando en Boiro, para crear sinerxías entre este sector e o comercio e a hostalaría do municipio”.

Segundo fixo saber o alcalde, “cada vez son mais as persoas que mercan e consumen produtos locais de proximidade, polo que é moi importante que exista no municipio un punto de venta concreto e estábel no tempo para a súa comercialización e dar resposta á demanda das persoas compradoras”. Romero engadiu que “esta feira busca potenciar a vida comercial do pobo e a venda de produtos de proximidade, conxugando ademais propostas culturais para darlle un valor engadido”.

Na primeira xornada da feira vanse instalar 17 postos, entre os que hai artesanía, produtos da horta e establecementos de segunda man. Estarán instalados dende as 10 a 14 horas e haberá un obradoiro impartido por Cruz Vermella, unha actuación musical e sesión vermú con polbeira. A programación cultural estará suxeita a variacións.

Outros artigos

Publicidade

Revista en papel

Opinión

“La Confianza” – José Antonio Constenla

“La Confianza” – José Antonio Constenla

En la actualidad atravesando una crisis de confianza, con mil explicaciones, pero ninguna sencilla ni clara, que dificulta la comprensión del mundo en el que vivimos. Un efecto de estos es que los discursos no sintonizan con la realidad en la que estamos inmersos....