Rianxo achega rutas marítimas para coñecer o seu patrimonio mexilloeiro, a ruta xacobea marítima e a illa de Ons

Rianxo bótase ao mar este verán con tres itinerarios para coñecermos o noso litoral. En primeiro lugar o Concello informou de que haberá un roteiro marítimo á illa de Ons, con datas o 20 de xuño e o 1 de agosto, e con saída ás 10.00 horas e regreso planificado ás 19.00 horas. Os prezos serán de 23 euros para adultos e 15 para crianzas.

A segunda das experiencias marítimas será unha ruta xacobea para coñecer a comarca do Barbanza dende o mar, con saída o 25 de xullo, ás 10.00 da mañá. O prezo será de 30 euros para adultos e de 20 para nenos.

Polo que se refire á terceira proposta, a Ruta do Mexillón (O Ouro de Rianxo), está prevista en dúas quendas, o 7 e o 15 agosto, con dúas saídas por día. Os horarios serán os seguintes: pola mañá de 10.30 a 13.30 horas e pola tarde de 16.30 a 19.30 horas. O prezo será de 30 euros para adultos e de 20 para nenos.

As prazas serán limitadas, segundo confirmou o Concello (colaborador desta iniciativa), que fai fincapé na necesidade, para as persoas interesadas, de facer as súas reservas canto antes. O horario de atención telefónica será de 9.00 a 14.00 horas. Poderá solicitarse información a través do teléfono 981 866 225 ou 644 719 008.