Esta semana remataron en Noia os traballos para rehabilitar e poñer a punto a porta do Consistorio, coas súas ferraxes e apliques correspondentes. O obxectivo foi conseguir que a porta recuperase “o seu aspecto orixinal”, sinalou o Concello.
Esta renovación súmase aos traballos realizados nas últimas semanas de limpeza de fachadas e acondicionamento da contorna da porta principal. O Goberno local confirmou que en datas vindeiras continuarase coa mellora da Casa Consistorial, coa instalación dunha nova iluminación de fachada e a renovación do lateral do inmóbel.
