Dous mortos e oito rescatados do pesqueiro”Sempre Güeto” con base en Portosín, afundido en Cedeira

17 Xuño 2021

O ‘ Sempre Güeto’, con base en Portosín, regresaba da campaña do bocarte. Afundiu en Punta Candieira, en Cedeira. A bordo navegaban 10 tripulantes: 8 foron rescatados por outro pesqueiro, o noveno recollido por un segundo pesqueiro e evacuado por Helimer 402 a A Coruña faleceu posteriormente. O corpo doutro mariñeiro foi recuperado por un pesqueiro que o trasladou a Cedeira.

Salvamento marítimo

Dous mariñeiros perderon a vida esta tarde logo dun naufraxio no que foron rescatadas outras oito persoas en Punta Candieira, a unha milla da costa, en Cedeira.

Pouco antes das dúas e media desta tarde, Salvamento Marítimo informou ao 112 Galicia do naufraxio dun barco no que ían dez tripulantes, na costa desta localidade coruñesa.

Con estes datos, dende o Centro Integrado de Atención ás Emerxencias deuse aviso, de xeito inmediato, ao Servizo de Gardacostas de Galicia. Igualmente, os xestores do 112 Galicia solicitaron a colaboración neste operativo da Policía Local de Cedeira e da Garda Civil e tamén puxeron os feitos en coñecemento de Protección Civil do municipio.

Segundo a información facilitada ao 112 Galicia, dúas embarcacións que traballaban na mesma zona conseguiron rescatar a nove dos tripulantes. Debido á gravidade do estado que presentaba un deles, un helicóptero de Salvamento, o Helimer, desprazaouse ata o punto para trasladar ao mariñeiro. Con todo,  malia os esforzos da propia tripulación da aeronave, nada puideron facer por salvarlle a vida. Outro dos tripulantes estivo desaparecido algo máis de dúas horas ata que, outra embarcación que pescaba na zona, atopou o corpo sen vida.

Os demais mariñeiros foron trasladados polo barco que os rescatara en primeira instancia ata o porto de Cedeira, onde recibiron asistencia médica.

Os outros tripulantes foron rescatados, un deles ferido de gravidade que falecería posteriormente, por outro buque cerqueiro que se atopaba na zona, o ‘ Argote 2’, tamén con base no mesmo porto de Portosín. Os náufragos foron trasladádevos de inmediato a Cedeira.

Á zona acudiron o helicóptero ‘ Helimer 401’, a lancha ‘Salvamar Betelgeuse’, ambos de Salvamento Marítimo, ademais da lancha ‘ LS Langosteira’, da Cruz Vermella. Tamén colaboraron nas tarefas de procura do tripulante desaparecido os pesqueiros ‘Pasa Aquí’, ‘ Maruxia Segundo’, ‘Sempre Urbegi’ e ‘ Riobao Un’.

Polo momento non se sabe o motivo que levou a esta embarcación para irse a pique, pero barállase un incendio ou un afundimento pola zona de popa debido ao mal tempo.

Outros artigos

A Marea de Noia require unha inspección da ETAP

O voceiro da Marea de Noia, Manolo Seijas, presentou un escrito ante a inspección de sanidade sobre a auga municipal no que require ao dito departamento unha análise exhaustiva da ETAP (Estación Tratamento de Auga Potábel) para verificar o estado da mesma e do...

+

I Concurso Infantil de Debuxo ApiBarbanza – 2024

A delegación de AGA, asociación Galega de Apicultores, no seu Delegacion do BARBANZA SALNES convoca I Concurso Infantil de Debuxo Apícola co fin de involucrar e concienciar aos nenos sobre o valor da abella como axente polinizador e na conservación do medio...

+

Publicidade

Revista en papel

Opinión

“Cadaquén coa súa idea”. Luís Celeiro

“Cadaquén coa súa idea”. Luís Celeiro

Fóronse onte pola madrugada e arestora aínda non chegaron. Montaron nun avión para ir a “non seionde” e, despois, un tren de longo recorrido levaríaos a outro aeroporto,  para seguir o seuprograma de turismo ofertado por unha das máis importantes axencias de turismo...

“Good morning, Baltimore”. Antón Luaces

“Good morning, Baltimore”. Antón Luaces

Este xoves foron recuperados outros dous cadáveres supostamente doutros tantos obreiros da maior infraestrutura marítima de Baltimore, considerada a de máis lonxitude de Estados Unidos, que foi derrubada o pasado martes polo portacontedores "Dalí", que bateu contra a...