Portosín ponlle o acento galego ao Campionato de España ILCA Máster desde hoxe xoves ata o vindeiro domingo
6 de xuño, coa participación de 70 regatistas chegados desde todos os recunchos de España que, durante tres xornadas non só buscarán o título nacional, senón tamén o seu pase ao mundial da clase, ao ser a regata
sonense clasificatoria para o intercontinental.
Coas intervencións do Alcalde do Son, Luís Oujo, e a do presidente do Real de Portosín, Jorge Arán, o campionato longa amarras a unha gran cita velística coa meteoroloxía favorable e en bonanza progresiva durante os próximos días.
A nota musical á posta de longo puxérona Vos Salgueiriños de Noia, agrupación de banda de gaitas que amenizaron a xornada inaugural coa interpretación de pezas clásicas da tradición galega.
O Top de saída está programado para as 12 do mediodía, coa intención de celebra entre dúas e tres mangas diarias. Un só campo de regatas, coas saídas diferenciadas por categoría, do mesmo xeito que as chegadas que se rexistrarán cun dispositivo especial de Xuíces nunha embarcación destinada exclusivamente á misión, debido ao volume de participantes.
A gran cita velística reunirá en augas da Ría de Muros e Noia a un excepcional elenco de regatistas, nunha modalidade na que militan verdadeiras estrelas do deporte da #ver como campións nacionais, mundialistas e medallas olímpicas.
O Campionato de España ILCA de Láser Máster está patrocinado polo Excmo. Concello de Porto do Son e Turismo de Galicia, a través do Plan Xacobeo 21-22, baixo a organización do Real Club Náutico Portosín, contando con colaboración da Real Federación Galega de Vela, a Confraría de Pescadores de San Andrés de Portosín, Gadis, Conservas Sotavento, Patacas Bonilla e a Adega Paco e Lola.
