Os participantes na observación de invertebrados de Dodro comproban a boa calidade das augas da contorna

O Concello de Dodro, a través da área de Cultura e Medio Ambiente, organizou este sábado 19 de xuño unha actividade de Observación de Invertebrados.

Para o seu desenvolvemento contouse coa importante colaboración da asociación ecoloxista ADEGA e do Proxecto Ríos, cuxos integrantes (Ramsés e Orlando), tras unha breve explicación teórica sobre os principais seres vivos acuáticos que se poden atopar na contorna, coordinaron os traballos dirixidos a medir a calidade de auga do río de San Lufo a través de bioindicadores.

As comprobacións, realizadas in situ no río preto da depuradora de Vigo, saldáronse cunha cualificación de notábel.

A iniciativa celebrouse ao abeiro do programa #DodroSOStible. Fíxose, como dixemos, en colaboración coa comunidade de ADEGA e o Proxecto Ríos.