Os Milindros e Paco Nogueiras actúan este sábado 19 nas Festas de Verán de Artes

Este 19 de xuño colle impulso o panorama festivo estival na nosa comarca, coa celebración dunha das primeiras festividades parroquiais do calendario: as Festas do Verán de Artes, en Ribeira.

O programa deste sábado, un programa con todas as medidas anti-COVID necesarias, desenvolverase no exterior do Centro Recreativo de Artes.

Comezará ás 13 horas, coa actuación de Os Milindros.

O músico Paco Nogueiras estará este sábado 19 no Centro Recreativo de Artes

Pola tarde as celebracións proseguirán ás 20.30 horas, cunha actuación do home orquestra Paco Nogueiras, que presentará os seus novos espectáculos musicais infantís Brinca Vai! e Extra extra!, moi axeitados para a rapazada de todas as idades.