O Concello de Porto do Son conmemorou con diversos actos o Día Mundial do Medio Ambiente, que se celebrou este 5 de xuño. A primeira das accións que se realizou foi a plantación simbólica dunha árbore, concretamente dun castiñeiro. No acto participou o alumnado do CEIP Campanario, co fin de concienciar e facer entender a importancia de coidar o medio ambiente, ademais de mitigar o impacto do cambio climático.
Doutra banda, este domingo desenvolveuse a andaina Xtosín, da que falamos esta mañá en O Barbanza, que veu acompañada dunha recollida voluntaria de desperdicios que se encontraban polos camiños. O recorrido foi de 14,8 quilómetros, de dificultade alta e partiu da praza do Curro de Portosín.
“A través de pequenas accións como esta”, informou o Concello, “preténdese incentivar e promover na poboación o respecto polo medio ambiente, favorecendo así un estilo de vida saudábel e respectuoso coa gran riqueza natural coa que conta o municipio.
