O Partido de Barbanza Independente (PBBI) que coordina Vicente Mariño dende Ribeira, emitiu un comunicado sobre os traballos que está a realizar a Concello para mellorar o viario do centro histórico de Castiñeiras, tarefas que consisten en parte en arranxar os problemas de seguridade e mobilidade que viña achegando o levantamento das lousas de pedra que acompañaron, no seu día, a humanización e posta en valor desta zona. O PBBI pon o foco no pavimentado do Alto do Rial, que é onde se están a centrar os traballos na actualidade.
“Esperamos que estas obras sexan a solución definitiva ante a enésima vez que se realizan cambios no pavimento, co consecuente gasto público que supón”, explican, engadindo que a periodicidade elixida para o desenvolvemento dos traballos non foi, ao seu parecer, a máis indicada, “pois non son poucos os veciños e familiares de alumnos que lles ocasiona un grave problema de circulación ao xa por se habitual”. Neste senso, o PBBI di estar recollendo “o malestar dos veciños”, polo que solicita ao Concello “o adiamento das obras para dúas semanas máis adiante e co fin de non facelas coincidir con horario escolar”.
O PBBI critica a previsión na realización destas obras “antes da finalización do presente curso académico”, e, “como ben sabe o Goberno municipal desde que se implantaron as medidas de prevención do COVID esas rúas son de maior tránsito circulatorio”. A agrupación lembra que xa solicitou vía moción que “se estude a adquisición dunha leira lindeira co colexio e a igrexa co fin de abrir unha rúa que facilite o tránsito na parroquia de Castiñeiras, ademais de facilitar aparcadoiro e lugar para celebración de festas patronais”.
