O martes 29 celebrase a VI Andaina Solidaria organizada por CONGALSA coa colaboración de Cáritas Ribeira. A versión virtual ten lugar ata o día 30

A sexta andaina solidaria da empresa alimentaria CONGALSA na súa versión física, arranca este martes 29 de xuño entre o Faro de Corrubedo e a Igrexa de Santa Uxía de Ribeira. Esta iniciativa conta coa colaboración de Cáritas Parroquial de Santa Uxía e percorrerá 11 quilómetros en total. Arrancará as 9 da mañá desde o faro e estimase unha duración de tres horas aproximadamente organizándose en grupos reducidos.
Para participar hai que inscribirse na páxina web www.deporticket.com/web-evento/5531-vi-andaina-solidaria-congalsa–edicion-2021-virtual. Unha vez inscrito recibirase por e-mail o enlace para o dorsal e para descargar a app que rexistra os quilómetros percorrido. Congalsa convertirá en euros os quilómetros rexistrados.

Por outra banda esta VI Andaina Solidaria virtual da empresa alimentaria CONGALSA, sigue activa até o próximo 30 de xuño, e está a ter unha importante repercusión na Rede, onde se promove e colle corpo por segundo ano consecutivo. Segundo fai saber Isabel Cañas, directora de Relacións Externas da compaña da Pobra do Caramiñal, a andaina sumou xa un importante número de participantes, acadando con este inicio do verán (luns 21 de xuño) a cifra de 633 camiñantes solidarios online, superando xa a inscrición da convocatoria previa (620). Todo apunta ademais a que a cifra continuará incrementándose os vindeiros días, mesmo con incorporacións de destacados representantes dos ámbitos institucional, político e social de Galicia.