O Concello de Porto do Son presentou a nova imaxe da área municipal de Medio Ambiente

12 Xuño 2021

O Concello de Porto do Son presentou a nova imaxe da área municipal de Medio Ambiente. Esta inclúe un símbolo co que representa a súa aposta pola economía circular e a sustentabilidade para a loita contra o cambio climático xunto ao lema Infinitamente natural.

O alcalde, Luis Oujo, compartiu o programa de actividades a prol da concienciación cidadá en materia de conservación e protección da paisaxe no que está a traballar a Corporación municipal. De feito, a presentación contou coa participación do director do Instituto de Estudos do Territorio, Francisco Barea e o responsable da empresa executora do proxecto, Pedro Tasende.

Así “os grandes tesouros de Porto do Son quedan presentes neste símbolo, no que o Castro de Baroña rodea o nome do municipio, protexendo un corazón infinitamente natural, no que mar e natureza forman un bucle en movemento circular”, afirmou Tasende. O director do Instituto de Estudos do Territorio sinalou, ademais, que “o compromiso do Concello coa sostibilidade a través, por exemplo, da economía circular, é infinito”.

Doutra banda, Luis Oujo explicou que “esta imaxe que se presenta será visible en todas as actividades que se desenvolverán durante os próximos meses para facer fincapé na necesidade de coidar e protexer o medio ambiente na nosa vida diaria”. Na mesma liña, o alcalde presentou un programa para os próximos meses con actividades como “andainas comprometidas co medio ambiente”, nas que os participantes poderán recoller residuos ao tempo que fan exercicio; xornadas de reparto de material para contribuír a manter limpas as praias; actividades coa mocidade nos centros de ensino; campañas de concienciación cidadá en materia de sostibilidade e loita contra o cambio climático; e mesmo difusión de boas prácticas como as que levan ao Concello a ostentar o distintivo Bandeira Verde de Galicia de xeito pioneiro na comunidade.

Outros artigos

Publicidade

Revista en papel

Opinión

“Cadaquén coa súa idea”. Luís Celeiro

“Cadaquén coa súa idea”. Luís Celeiro

Fóronse onte pola madrugada e arestora aínda non chegaron. Montaron nun avión para ir a “non seionde” e, despois, un tren de longo recorrido levaríaos a outro aeroporto,  para seguir o seuprograma de turismo ofertado por unha das máis importantes axencias de turismo...

“Good morning, Baltimore”. Antón Luaces

“Good morning, Baltimore”. Antón Luaces

Este xoves foron recuperados outros dous cadáveres supostamente doutros tantos obreiros da maior infraestrutura marítima de Baltimore, considerada a de máis lonxitude de Estados Unidos, que foi derrubada o pasado martes polo portacontedores "Dalí", que bateu contra a...