O BNG recolle en Ribeira e Boiro centos de sinaturas contra a suba da luz

Os nacionalistas recolleron centos de sinaturas contra a suba de luz tanto en Ribeira como en Boiro. Ante o éxito de participación na recollida de apoios, o BNG ribeirense volverá facer recollida o vindeiro sábado 3 de xullo.

Segundo o concelleiro, Luís Pérez Barral, a baixada temporal do IVE “é só un parche, pola contra feito baixar o custe da luz é o maior incentivo fiscal para instalar empresas e beneficiar aos galegos e galegas” argumentou.

Barral cre que debe haber intervención pública da enerxía, tarifa eléctrica galega, rebaixar o IVE ao 4% permanentemente e garantir o subministro ás familias con falta de recursos.

O BNG volverá poñer mesa de recollida de ainaturas contra a suba no prezo da luz, o sábado 3 de xullo no Malecón de Ribeira para garantir que a electricidade ten un prezo xusto.