O BNG ribeirense solicita unha mellora na roza de cunetas das zonas rurais, espazos que coa chegada da época estival ven como crece a vexetación de maneira descontrolada e ocupa as vías provocando dificultades na circulación de persoas e vehículos.
Desde a sede bloquista denuncian a maleza crece con descontrol en determinados lugares do municipio, especialmente no rural, como é o caso da rúa 3 no lugar de Coveliño, en camiños de Deán e no resto de parroquias que “non se rozan como se deberá”. Así, Pérez Barral reclama que “o Concello de Ribeira debería realizar un plan
anual de rozas para evitar que a vexetación se descontrole e invada camiños, cunetas e beiravías.
Ante esta situación, o BNG solicita que o Concello de Ribeira proceda a rozar, de maneira inmediata, a vexetación dos camiños, corredoiras e cunetas, con especial atención ás zonas rurais do municipios. Ademais reclama un plan anual de rozas para evitar o aumento descontrolado da vexetación en certos espazos.
O cadáver dun veciño da Pobra leva tres meses esperando a ser enterrado
Cipriano, un veciño da Pobra do Caramiñal de 61 anos de idade, apareceu morto nun edificio da rúa do Ribeiro a finais do mes de xaneiro. O cadáver foi trasladado ao Instituto de Medicina Legal de Galicia para practicarlle a autopsia. Dende aquel día pasaron tres meses...