O alumnado de O Pote II visita o Centro de FP de Coroso

O alumnado do obradoiro de cociña O Pote II, impulsado polo Concello de Ribeira para fortalecer a empregabilidade da xente nova, visitou na mañá deste 7 de xuño o Centro Integrado de Formación Profesional de Coroso.

Ao longo de hora e media tiveron ocasión de coñecer o traballo que se realizan nas instalacións, tanto no ciclo medio como no superior da rama Industrias Alimentarias, moi vinculada coa formación que se imparte dentro do programa de emprego O Pote II, incluíndo tanto a especialidade Operacións Básicas de Cociña (HOTR0108) como a de Operacións Básicas de Pastelería (HOTR0109).

Foi esta unha experiencia interesante para o alumnado do obradoiro, que puido afondar nos procesos relacionados coa cadea alimentaria, sobre todo no procesamento e conservación de alimentos.