No Son, este 1 de xullo abren as inscricións para unha nova edición de Xuventude na Rúa

30 Xuño 2021

En Porto do Son xa está todo listo para o comezo dunha nova edición de Xuventude na Rúa, o programa de lecer urbano-estival para adolescentes da contorna. Haberá, os venres dos meses de xullo (días 16, 23 e 30) e agosto (días 6, 13 e 20), actividades lúdicas, culturais, creativas, participativas e deportivas para a mocidade de 12 a 17 anos.

Segundo informou o Concello, as prazas son limitadas (ofértanse 16) e o prazo de inscricións abre este primeiro de xullo. O horario das actividades será de 10.30 a 13.30 horas. Para máis información, cómpre chamar ao 981 76 75 89.

Segundo explica o Concello, Xuventude na Rúa é unha iniciativa local para o fomento da participación xuvenil a través de obradoiros, xornadas deportivas e actividades lúdico-educativas. Trátase “dunha alternativa cultural e de ocio para os meses de verán” que busca “mellorar as habilidades creativas artísticas da xente nova, fomentar o traballo en equipo e o desenvolvemento de competencias relativas á autonomía e o compromiso, facilitando un espazo de participación social”.

Todas as accións programadas realizaranse de maneira preferencial ao aire libre, na contorna de Porto do Son, e atendendo á normativa e recomendacións publicadas en canto ás medidas hixiénicos sanitarias na actual situación da COVID-19.

Outros artigos

Publicidade

Revista en papel

Opinión

“O medo fala. Consecuencias” – Manuel Domínguez

“O medo fala. Consecuencias” – Manuel Domínguez

O 26 de febreiro publicaba neste mesmo medio, sobre a ameaza de Donald Trump e as súas consecuencias, podería parecer unha opinión, pero non, non, está baseada en feitos. En ano 2004 cando os países bálticos liberáronse das garras comunistas das URSS e pasou a...