O Concello de Rianxo e a Policía Local veñen de informar dunha serie de melloras a pé de rúa, no centro histórico da vila, destinadas a avanzar en seguridade.
As melloras puxeron o foco na sinalización que está colocada na devandita contorna, incluíndo unha reorganización dos indicativos (para mellorar a fluidez e a seguridade do tráfico) e unha limitación da velocidade para a protección dos viandantes.
Asemade, habilitáronse novas zonas para carga e descarga, e aparcamento exprés.
A Policía Local fixo un chamamento a colaborar con estas novas indicacións e respectar as normas de seguridade e convivencia, ao tempo que indicou que con estas melloras “iníciase un período de adaptación da veciñanza á nova sinalización”.
