Irlanda deixa libre ao pesqueiro ‘Punta Candieira’


Irlanda deixou libre este luns ao ‘Punta Candieira’, buque que foi apresado o pasado 1 de xuño por supostas “infraccións” da normativa pesqueira e que permanecía no porto de Cobh, Condado de Cork, desde entón.
o pesqueiro galego pasou unha nova inspección do Servizo de Vixilancia Marítima do Ministerio de Transportes de Irlanda, que o deixou libre a mañá deste luns.

Despois de que a empresa armadora abonase a fianza de 170.000 euros para liberar ao barco, supostamente por faenar nas 12 millas territoriais do país, Irlanda impedira que o barco puidese abandonar o porto de Cobh durante varios días ao detectar deficiencias na navegación. O Ministerio de Exteriores realizou xestións para apremar unha nova revisión técnica que permitise ao palangreiro con base en Celeiro, volver á mar.

O patrón do pesqueiro enfróntase a un proceso que se prevé longo, acusado de tres cargos por infraccións da normativa pesqueira ao supostamente entrar e faenar en zona exclusiva de Irlanda.