De extraordinaria pódese cualificar a segunda xornada do Campionato de España ILCA Máster, que ata
mañá domingo dispútase na Ría de Muros e Noia, organizado polo Real Club Náutico de Portosín, baixo o patrocinio do Excmo. Concello de Porto do Son e Turismo de Galicia, a través do Plan Xacobeo 21-22, e a colaboración da Real Federación Galega de Vela, a Confraría de Pescadores de San Andrés de Portosín, Gadis, Conservas Sotavento,
Patacas Bonilla e a Adega Paco e Lola.
Repiten liderado os cataláns José María van Der Ploeg e Mónica Azón que, nas súas respectivas categorías, non deron tregua ao resto da frota, a pesar de entrar en xogo o descarte ao peor resultado, que no caso do dos de Barcelona, aumentaba o seu rédito.
Con este segundo día do campionato, con vento e intensidade similares ao do onte venres, van Der Ploeg / C. N. O Balís, apontoa o primeiro banzo do podio de ILCA 7, con 6 puntos con seis mangas validadas de campionato. Sóbese ao caixón e no segundo posto o canario Josele Doreste / C. N. San Feliu de Guixols, con 13 puntos. E pecha
no bronce o valenciano Javier Muñoz / Mariña Valencia, con 17 puntos, baixando unha posición respecto ao primeiro día da regata.
Curiosamente, os irmáns Echávarri, Carlos e Javier / R. C.M. Santander, ocupan a cuarta e quinta praza, respectivamente con 23 e 25 puntos. O primeiro galego clasificado segue sendo o portosinense Javier Isidro / R. C. N. Portosín, con 28 puntos na sexta posición.
En ILCA 6, Mónica Azón afianza o seu liderado. A do C. N. Arenys de Mar, domina a categoría con 6 puntos, sendo hoxe os seus parciais de 3-1-1, terceiro debido a que descartou como peor resultado. Aparece en escena e ocupando o segundo lugar da listaxe o madrileño Alfonso Moreno / C. R.
Madrid, con 14 puntos. E baixa un posto o malagueño Arturo Reina / RCN Estepona, con 18 puntos, do mesmo xeito que descende dúas prazas a primeira galega da clasificación, a vigues Mariña Couñago / RCN Vigo, no posto 20.
Mañá domingo, o Comité da regata tentará validar outras tres mangas, cumprindo desta maneira o programa completo da competición, fixado en 9 probas, nun último día no que a previsión meteorolóxica segue marcada pola bonanza na comarca do Barbanza. A entrega de premios celebrarase ás cinco da tarde nas instalacións do Real Club Náutico Portosín.
