En Ribeira detidos dous individuos por tenencia ilícita de armas e ameazas

29 Xuño 2021

A Policía Nacional detén en Ribeira a dous individuos por tenencia ilícita de armas e ameazas.
Fóronlles intervidas unha pistola con munición, outra simulada, unha daga, un táser e certa cantidade de cocaína, así como outros efectos.

Axentes da Policía Nacional adscritos á Comisaría de Ribeira, procederon á detención de dous homes de 46 e
48 anos, respectivamente, veciños de Ribeira, como presuntos autores de senllos delitos de tenencia ilícita de armas e de ameazas graves.
A través dunha chamada á Sala do 091, tívose coñecemento de que unha persoa manifestaba ser ameazada de morte, enfronte ao seu domicilio, por dous homes, un dos cales esgrimía unha pistola, coa que apuntou á vítima. Os individuos ían a bordo dun vehículo, pola Avenida da Coruña, en dirección cara a Ribeira, cando pararon á altura
da vítima e ameazáronlle coa arma.
Inmediatamente, os axentes en servizo, iniciaron a procura do vehículo e os seus ocupantes, podendo localizalos á altura da Avenida Miguel Rodríguez Bautista, e, tras adoptar as correspondentes medidas de autoprotección,
procederon á súa interceptación e aseguramento. Durante o rexistro ao que foron sometidos tanto o vehículo como os seus ocupantes, fóronlles intervidos os seguintes efectos:
– Unha pistola, da marca Astra, co seguro manual desactivado e que contiña seis cartuchos de 9 mm no cargador, a cal foi localizada debaixo do asento do copiloto. Ningún dos ocupantes estaba en posesión de licenza de armas para poder portala.
– Unha pistola simulada, de gas, contendo 15 bólas metálicas no cargador.
– Unha daga metálica de dobre fío.
– Un táser de cor negra, preparado para efectuar descargas
eléctricas.
– Unha navalla con empuñadura en forma de pistola.
– Sete papelinas de cocaína.
– Dous teléfonos móbiles.
Os individuos foron detidos e trasladados a dependencias policiais. Aos detidos cónstanlles numerosos antecedentes policiais por diversos feitos delituosos. Tras tramitarse as correspondentes dilixencias policiais os detidos parasaron a disposicióna do Xulgado de Instrución de Garda.

Outros artigos

Publicidade

Revista en papel

Opinión

“Enfermedades terminales”. José Manuel Pena

“Enfermedades terminales”. José Manuel Pena

Estos últimos días las visitas al hospital fueron frecuentes para acompañara un buen amigo que se encuentra viviendo unos difíciles momentos por sudelicado estado de salud. Esta circunstancia me abrió un poco más los ojos ala realidad del sufrimiento, el dolor, el...