Esta semana deron comezo en Boiro as actividades do Certificado de Profesionalidade de Operacións Básicas de Cociña, de 350 horas de duración, enmarcado dentro das accións formativas do Programa Integrado de Emprego (PIE) que desenvolve o Concello e que está destinado exclusivamente a mulleres. O curso levase a cabo nas instalacións homologadas do Centro de Formación e Viveiro de Empresas de Espiñeira.
Nesta formación as alumnas van adquirir, entre outros coñecementos, formación sobre a aplicación das condicións hixiénico-sanitarias en restauración, preelaboración e conservacións culinarias, elaboración de pratos combinados e aperitivos.
Este certificado de profesionalidade, que se vai impartir ata o mes de setembro, conta cun módulo de 80 horas de prácticas que van realizar en empresas da comarca do Barbanza do sector da hostalaría.
Con esta acción formativa o Concello buscar achegar recursos útiles de emprebabilidade ao colectivo de mulleres para favorecer a inserción laboral nun sector con alta demanda de persoal cualificado como é o caso do hostaleiro. O curso está dentro do Programa Integrado de Emprego do Concello de Boiro, que está dirixido exclusivamente a mulleres e está financiado pola Consellería de Emprego e Igualdade da Xunta de Galicia e o Servizo Público de Emprego Estatal.
